منتديات يوسف ابوخميس الجروان للخمايسه وابناء قبائل وعشائر الجروان
ارحب بكل الاعضاء والزوار المحترمين في المنتدى وبمشاركاتكم يكبر المنتدى


منتديات يوسف ابوخميس الجروان للخمايسه وابناء قبائل وعشائر الجروان
 
الرئيسيةيوسف ابوخميسالتسجيلدخول
المواضيع الأخيرة
» تحميل برنامج Format Factory 2013 , تنزيل مصنع الصيغ 2013 عربى ، تحميل محول الصوتيات Format Factory
السبت يناير 12, 2013 8:57 pm من طرف admin

» بيان توضيحي من ادارة مجموعة شركات المهندس زياد المناصير
الجمعة أغسطس 10, 2012 2:47 pm من طرف admin

» مسجات رومنسيه طويله
الإثنين أبريل 02, 2012 5:55 pm من طرف admin

» مسجات حب وغرام طويله
الإثنين أبريل 02, 2012 5:50 pm من طرف admin

» مسجات شوق وحنين تذوب الحجر
الإثنين أبريل 02, 2012 5:44 pm من طرف admin

» عشائر بئر السبع
الأحد أبريل 01, 2012 4:08 am من طرف admin

» بيت الشعر واشياء من الباديه
الأربعاء مارس 28, 2012 9:42 pm من طرف admin

» الجراوين من عشائر الجروان من الحبلان من الجبل من قبيلة عنزة الوائلية العدنانية.
السبت مارس 24, 2012 11:03 pm من طرف admin

» الجــــــــــروان
السبت مارس 24, 2012 10:49 pm من طرف admin

منتدى
اهلا وسهلا بكم في منتداكم المتواضع هذا المنتدى يكبر بهمتكم وجهودكم
التبادل الاعلاني
احداث منتدى مجاني
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر

شاطر | 
 

 مجموعة اشعار تجنن حلوه مر

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
admin
Admin
avatar

عدد المساهمات : 723
نقاط : 2336
السٌّمعَة : 1
تاريخ التسجيل : 24/11/2009
العمر : 32
الموقع : منتدى يوسف ابوخميس

مُساهمةموضوع: مجموعة اشعار تجنن حلوه مر   الإثنين يونيو 28, 2010 11:32 pm

أشعاااار روووووعه








غلطة الأيام
غلطة الأيام احنا ما غلطنا
كنا مشتاقين يوم انا افترقنا
كلنا ملهوف واحزانه كبيرة
العيون اتشوف وايدينا قصيرة
لعبة الأقدار تلعب في هوانا
والزمن غدار ما يحفظ أمانة
هذا شي معروف من يملك مصيره
يا حبيبي وين كنا وانتهينا
وصار دمع العين يتحسر علينا
الزمان سيوف وجروحه كثيرة
الحل الصعب
اسقني حب أو اسقني فرقى
ان صبرت اشقى أو هجرت اشقى
العمر يمضي والجروح تبقى
اختر الحل الصعب
يا تفارق يا تحب
لا تحدد لي مراحل لالا
يا تجيني حب يا تودعني راحل
هاذي وردة للهوى هاذي جروحك
عطني روحي سيدي أو خذها روحك
وش بقى ضاعت سنيني
يا بعد قلبي وعيني
اختر الحل الصعب
يا تفارق يا تحب
لا تتردد في غرامي لالا
ابتسامي دمع وسكوتي كلامي
افتح ايدينك لشمسي ولهبوبي
كحل عيونك بدمعي وبشحوبي
واعشق الهم الي فيني
هذا ان كانك تبيني





الحل الصعب
اسقني حب أو اسقني فرقى
ان صبرت اشقى أو هجرت اشقى
العمر يمضي والجروح تبقى
اختر الحل الصعب
يا تفارق يا تحب
لا تحدد لي مراحل لالا
يا تجيني حب يا تودعني راحل
هاذي وردة للهوى هاذي جروحك
عطني روحي سيدي أو خذها روحك
وش بقى ضاعت سنيني
يا بعد قلبي وعيني
اختر الحل الصعب
يا تفارق يا تحب
لا تتردد في غرامي لالا
ابتسامي دمع وسكوتي كلامي
افتح ايدينك لشمسي ولهبوبي
كحل عيونك بدمعي وبشحوبي
واعشق الهم الي فيني
هذا ان كانك تبيني






________________________



وحشتني سواليفك
وحشتني سواليفك
وحشة شوفتك أكثر
الليلة مع طيفك
حبيب الروح أنا أتحسر
طاير من عيوني النوم
على هذا الحال أنا كل يوم
سمعني حبيبي الصوت
وسيّرني على كيفك
كلامك فيه نشوة روح
يحرك فيني الوجدان
يعطيني أمل مفتوح
في لقياك مهما كان
ساعة يختفي صوتك
أعيش بعالم النسيان
لا تقطع علي الصوت
أنا ما أقدر على الحرمان




يا قلبي
هذاك الي تبيله الخير
عشق غيرك وصار للغير
ياقلبي ابتعد وارحل
يا قلبي عنه لا تسأل
كفاك تعيد وهو بعيد
حبيبك لا خبر لا خير
قدر يصبر عن عيونك
ويزيد أكثر من ظنونك
تحسب انه يبي عونك
وهو تغير كثير كثير
تناسى حبه وطاري
وبلاش أكثر تفكر فيه
وش الي تقدر تسويه
ما دامه مغتني بالغير





الله لنا
الله لنا لا صار الاحباب ناسين
والله لنا لا صار عافوا هوانا
ياما بهالدنيا تجافوا محبين
لا شك ما ننسى هوا من نسانا
حنا على عهد الهوا دوم وافيين
ولا نبدل ودهم بالخيانة
ولا نضيع بهم عواذل وواشين
ولا بعشرتهم بننسى وفانا
غالين لو عنا يتغلون غالين
ولا غيرهم يسوى الغلا والمكانة
ما أدري هواهم حاضر أو مكفين
والله لنا لا صار عافوا هوانا




يا ليت دروبنا
يا ليت دروبنا سمحه
على من صابنا رمحه
ودي شوفه ولو لمحه
وشوف العين يكفينا
حبيبي عجل الروحه
وأنا الأشواق مجروحه
مشا ما ضمد جروحه
ولا غيره يداوينا
وأنا دايم على كيفه
ولو يشهر علي سيفه
تسليني سواليفه
لزوم نجيه ويجينا
هلا بالجوهر الصافي
على كل العرب خافي
ألا يا غض الأطرافي
بنار الحب كاوينا




منك العذر

منك العذر لو كنت زعلان
آمر وأنا لك قلت لبيك
يا كل ناسي وأجمل انسان
كل العمر يا زين أفديك
تزعل وأنا لك موت ولهان
ما كني محبوبك أو أعنيك
ترضى أعيش العمر حيران
وأنا الي راحة قلبي في ايديك
لك في الغلا شيدت بنيان
لك صاحب دايم يداريك
يا سلوتي عن كل من كان
لاتفتكر في يوم ناسيك
لك صادق الإحساس برهان
ما يقبل مساوم وتشكيك
لأنك على الفؤاد سلطان
ما أقول غير الله يخليك




_______________________



نسيناكم
ما عاد فقلبنا ذكرى نسيناكم
ولا لأيامنا ذكرى نسيناكم
مادام انتوا تغيرتوا
بعد حنا تغيرنا
ولا به شي يرجعنا
خلاص اليوم نسيناكم
يا ليت فوقتها كنتوا فهمتونا
ولا عنا تخليتوا وبعتونا
وقدرتوا الوفا والحب
الي جالكم منا
حسافة ما تفاهمنا
خلاص اليوم نسيناكم
عانيت ياما لجل ارضي خواطرهم
وداريت همي وكنت اشقى واريحهم
صبرت وصرت أنا وقلبي
ندور من يصبرنا
خسارة ما تفاهمنا
خلاص اليوم نسيناكم

علمني
علمني وشلون أنساك وأنام
وأنا الي لك صاحي أيام وأيام
شاغلني في بالي شوقك ولا يروح
صاحي أنا ونايم ما يروح ما يروح
دنياك دنياي هو حد يسواك
في القلب وياي وفي البال وياي
يالغالي وشلون تظن بنساك
كيف الهوا يهون والقلب يهواك
اسهر عيوني تحلم بلقياك
ليت الي باقي من عمري وياك
ما عشت عمري الحب ومعناه
لوعة وحرمان ما ودي انساه











الزين
الزين هذا حلو وزين
خصه يا ليل لبس القلايد
فتان يسقي القلب والعين
فيه الحسن والزين زايد
ما شفت أنا في وصفه اثنين
ترفه الصبا غض النهايد
من وين هذا الريم من وين
لي صار للغزلان قايد
مفنود عن كل المزايين
نوره لنور الشمس عايد
في مبسمه در مستامين
يكن ودانه الفرايد
عودي إذا هب الهويلين
فارع ومياس ونايد
تحلى به الأوصاف وتزين
وتزين به حتى القصايد




الدنيا حظوظ
الدنيا حظوظ الدنيا حظوظ
والله رمى حظي معاه
عندي حبيب ما له حبيب
إلا الذي يمشي برضاه
من وين يا ناس من وين وين
ألقاها يعني في هواه
أصبر عليه وان غاب اجيه
وهو يتحداني بخطاه
إن قلت أبيه شالحل فيه
جاني فرضه أو سماه
أنا بجهاد وهو بعناد
والمشكلة يعرف غلاه
إن جيت أقول الشرح يطول
أشرق وتمنعني الدموع
مسك الختام وآخر كلام
لا عاد حبك في خضوع






يا مميز
يا مميز في جمالك
في وصوفك في دلالك في حلاك
كل شوقي والودادي
لك تمركز في في فؤادي
يا ملاكي يا ملاك
وجد قلبي يالوجودي
في بعادك يالعنودي
يالغلا زايد غلاك
في حضورك أو غيابك
قلبي بنبضة سرابك
محد بقلبي سواك
داو روحي من جروحي
بنظرتك يا روح روحي
رمش عينك لي هلاك
كل ما تزعل عليا
ضاق وسع الكون فيا
وكل رضايا من رضاك
يوم نور البدر لاحي
فيك يا سيد الملاحي
شعل نورك في سماك
أعترف إني أحبك
وأقبل بسلمك وحربك
وعمر قلبي ما نساك




أسافر عنك
أسافر عنك واتسافر معايا
ترافقني في حلي وارتحالي
أغيب وأترك الدنيا ورايا
ولا أحمل غير طيفك في خيالي
وجوه الناس في الغربة مرايا
تصور صورتك دايم في بالي
وأنسى غربتي و أنسى عنايا
وأحس انك معي ما هوب لحالي
مثل ما لك في هالدنيا سوايا
أنا مالي سواك إنسان غالي
لأنك أول وآخر منايا
وأول حب لي وآخر وتالي
حبيبي عدت لك شايل وفايا
وشوقي وفرحتي ولهفة سؤالي
هل أنت اشتقت لي وشاقك هوايا
كثر شوقي لك بذيك الليالي


عزت علي نفسي
عزت علي نفسي من قسوة زماني
وأنا الذي من قسو الأيام لين
مو حظي إني في زماني رماني
أو هو زمان الي خطي مشين
احترت في دنيا رضت ليها أني
وأنا الي لو ضاقت علي ما أبين
ما أرضى على غيري أشوفه يعاني
واليوم حالي عده الغير هين
ما غير أسلي خاطري بالأماني
والله يعلم والمنى واشعين
مهما شكيت الحال قسوة زماني
تشيب عني لو سمعها يزين




إن هويتونا
إن هويتونا هويناكم
ومن تصبر لي جفيتونا
ما عرفنا الياس وياكم
وين ما تسيرون تلقونا
مستحيل إن كان ننساكم
لو تقصدتوا تهجرونا
لأهجر الدنيا بلياكم
دونكم عمري فديتونا
نرخص الغالي لعيناكم
كل صعب الكم يهونا
بالصحا والنوم ننصاكم
لا تسدوا الدرب من دونا
الحشا والقلب سكناكم
مشيدات بصور وحصونا
نور ياضي من محياكم
مثل نور الصبح في الكونا
إن فردتوا في سجايكم
نادرين الحسن واللونا
لو حسبناها مزاياكم
لو صلت تعداد مليونا
وإن طلبتونا عطيناكم
ما نريد الكم موزونا
لو أخذتوا الزود يفداكم
حبنا متوازن رطونا





يا ما جرالي
أشغلتني من بعد ما كنت خالي
علمت عيني الدمع وقلبي ونينه
ياما جرالي منك ياما جرالي
والمبتلي بالحب ربي يعينه
أغليك وما ادري ليه دايم تغالي
وأتمن بوصالك عليك وعلينا
تبعد وتهجرني وانت قبالي
ولا بعد عنا علوم شوقك تجينا
تسقي من العاكر ونبعك زلالي
م ادري تخاف من الهوا أو تهينه
غريب طبعك والغريبات فالي
محظوظ أنا من كل زين بشينه
أول اسميك العشقين هبالي
وألوم ضعف الي يحب وأدينه
واليوم أنا شفت الهزاوي في حالي
كل الهوا داين وأنا أرد دينه




يا ذوق
يا ذوق وكلك ذوق
لو تهدا بس وتروق
تفهمني من نظرة
الحب لك والشوق
لا تخاف من الإحساس
انسى عيون الناس
قلبي تحت أمرك
سيدي وتاج الراس
لو بس تعطيني
فرصة وتحس فيني
لا تضيّع الصادق
ترجع تناديني
وإن كنت ناوي تروح
خذني معاك جروح
صدقني رح تخسر
إنسان عفيف الروح





ابشر من عيوني
ابشر من عيوني الاثنين
مثلك تلبى مطاليبه
القلب ما يسكنه شخصين
واحد ويكفي تعذيبه
عذبتني بالهوا يا زين
وتعذيب الأحباب راضي به
تلعب بقلبي هبوب البين
يبي حبك ويشري به
الله وأكبر حور هالعين
يسرق عيوني ولا أدري به
عليك يا باهي الخدين
الهم يقبل ويكفي به
مجروح أنا بالحشا جرحين
والثالث أنت مسابيبه
أهواك يا ناعس الطرفين
وغيرك من الناس ما ليبه





تعودنا
تعودنا أنا وأنت تعودنا على النسيان
خذتنا عزة الدنيا وتهنا في ليالينا
تكابرنا على العشرة ولا به غيرنا خسران
صحينا والثمن غالي وضعنا في خطاوينا
نحاول نكتم الحسرة نحاول نخفي الأحزان
نحاول والزمن أقوى وناره حيل تكوينا
قسينا في مشاعرنا غلطت أنت وأنا غلطان
ولا شفنا سوى الحيرة حبيبي وين ماضينا
نبي نصبر ولا نقدر ولا نعرف لنا عنوان
تغربنا في هالدنيا وماضي الشوق يبكينا
ندمت أنت وأنا أكثر أعيش بدنيتي ندمان
توقعنا نبي ننسى وذكرانا تصحينا




اسكن عيوني
اسكن عيوني يالغلا وجفوني تغمض عليك
لك ما تشا من دنيتي بس لا تقلل من غلاك
لو يعذلوني كلهم ما اسمع كلام الناس فيك
أنت الغلا وأنت الهوا وأنت الجوا وأنت الملاك
شوفتك بالدنيا معي وأبيع غيرك وأشتريك
أنت الوحيد بناظري ما ترقب عيوني سواك
لا رق ليل العاشقين روحي مع النشوة تجيك
تتحرك غصون الهوا في خافقي بنفحة هواك
ما حب أجيلك صادقة من كل قلبي أهتويك
وأحلى الليالي في العمر قضيتها وأنا معاك
مالك شريك في الحسن في خافقي مالك شريك
كلمة أحبك قلتها يا زينها وهي من شفاك
أنت المنا وأنت الهنا وأنت على روحي مليك
شوفتك تجلب راحتي وبعدك عن عيوني هلاك
حتى ولو جالس معي أسج بك وأوله عليك
كلمة غلا لو جابها غيري تمثلي غلاك





خلاص الماضي
خلاص الماضي ودعته
محيت ذكراه من قلبي
أنا من باعني بعته
ولا دربه يجي دربي
خلاص الماضي ودعته
بعاند كل أحاسيسي
وأبدأ خطوة النسيان
وكل ما زارني طيفك
أقله روح يا خوان
صبرت أكثر من اللازم
صبرت وما بقا بي حيل
وعمري صار بس نادم
وقال يالسهر والليل





بالسلامة
بالسلامة تعود لأحبابك
بالسلامة تعود يالغالي
يا عسا ما يطول غيابك
يا سفر ذا المنزل العالي
زاد فينا الشوق بابك
يالغلا يا طيب الغالي
ما انتحمل ننظر لبابك
دام رحت ومنزلك خالي
بو ظبي تسأل عن أطيابك
عن نسيم البن والهالي
فاقدة صوتك وترحابك
واتخبر عنك وتسالي
دارك الي دوم تزهى بك
تنتظرك بشوق وآمالي
بالسلامة تعود لأحبابك
بالسلامة تعود يالغالي
نور العين
أشوف نور العين يا زين
تنور أتاري قلبك هناك
بين الشرايع والبساتين
في العين يعلا الروح تفداك
عين البنفسج والرياحين
تنثر زهرها واتفداك
ما خاف من نرجس والياسمين
والفل والجور تحفاك
يا حيي بك يا أغلى المحبين
يا مرحبا بقلبك في الشرايين
يجري وعمري ملك يمناك
ما دام قلبك عند غاليين
يستاهلونه لا عدمناك
خل الأمور الباقية تزين
والعين تسعد في ملاقاك
عسا الليالي دايم تزين
والرب المعبود يرعاك
وأشوف نور العين يا زين
تنور أتاري قلبك هناك
_______________________




وسلامتكم أتمنى يعجبكم ***
الرجوع الى أعلى الصفحة اذهب الى الأسفل
http://yousefnever.forumsmusic.com
يونس

avatar

عدد المساهمات : 12
نقاط : 25
السٌّمعَة : 9
تاريخ التسجيل : 15/10/2011

مُساهمةموضوع: رد: مجموعة اشعار تجنن حلوه مر   الأربعاء أكتوبر 19, 2011 8:32 pm

صح السانك
الرجوع الى أعلى الصفحة اذهب الى الأسفل
 
مجموعة اشعار تجنن حلوه مر
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات يوسف ابوخميس الجروان للخمايسه وابناء قبائل وعشائر الجروان :: منتدى الحب والغزل-
انتقل الى: